الطازج لو يدري عن بسبوستي سكر فروعه هع....

اخباركم يا حلوين
اليوم قلت بنزلكم بسبوستي ومعها سر خطييير وأضمن لك انها بتنجح من أول مررررة وكل من ذاقها بياخذ طريقتها بس سوي مثلي ولا تعلمين أحد هع<<نذالة حريم

نجي للمقادير:
1 كوب سميد
1 كوب حليب نيدو بودرة
ثلاث أرباع كوب سكر
ملعقة كبيرة بيكنج بودر
نص كوب زيت
علبتين زباد


تخفقين المقادير زين مازين وبعدين تجيبي صينية بايركس زجاج وتدهنيها بطحينة سائلة<<هذه سر النكهة الخطيرة



وتصبي الخليط فيها وترشي عليها لوز مبشور وكاجو مكسر




وتدخليها الفرن على نار متوسطة وكل شوي شيكي عليها حمريها زين من تحت وبعدين ولعي النار من فوق وحمريها من فوق


بعد ماتطلع من الفرن نجي للسر الخطير واللي يعطيها طعم ماتفرقين بينها وبين بسبوسة الطازج وهي

علبتين حليب مركز غير محلى +ثلاث فناجين سكر



تغليهم على النار وبعدين تصبيه فوقها ويفضل تتركينها ساعتين بالثلاجة عشان تتماسك بعدين قطعيها وقدميها وبالعااااافية على قلوبكم


يلا أشوفكم على خيرمع حلى جديد من مطبخي...

أستودعكم الله الذي لا تضيع ودائعه